MOISES PADILLA- May bag-o na nga hepe sang kapulisan sa banwa sang Moises Padilla.
Kaina sang aga, ginpatigayon ang turnover of office ceremony sang Moises Padilla Municipal Police Station sa pagpamuno ni Police Colonel Rainerio M. De Chavez , provincial director sang Negros Occidental Provincial Police Office (NOCPPO).
Nagtal-os kay Police Captain Armel Lasap bilang hepe sang Moises Padilla MPS si Police Major Jerald Muya.
Ginpahayag ni Mayor Ella Celestina Garcia Yulo nga sa kalawig sang iya pagpangalagad sa banwa bilang public official sa panahon lamang ni PCOL De Chavez natabo nga may ara sang pormal nga pagpatigayon sang turnover of office ang hepe sang banwa.
Lubos naman nga nagasuporta si Mayor Yulo sa mga programa sang mga kapulisan sa pagpatigayon sang kalinong kag katawhayan sang banwa
