Kun palatulog ka, Daug ka! Pungsod Korea nagpatigayon sang sleeping contest Kon tulog lang ang paga-istoryahan, kalabanan sa aton nga mga pinoy, may ibato gid!
Isa ka kompetisyon ang gin organisa sa isa ka pungsod sa diin kun palatulog ka, daug ka! Linibo ka mga contestants ang nagtipon para sa “power nap” contest sa Seoul, South Korea para sa isa ka pinasahi nga event, ang Sleeping contest.
Sul-ob ang bayo pantulog, sila ang nagdulungan higda kag piyong sang ila mata.
Pinaagi sa ini nga event, luyag sang South Koreans ipalab-ot sa mga katawhan ang mensahe kun ano gid ka importante ang pagpahuway.
Agud mas ma challenge pa gid ang mga contestant, nag-usar ang organizer sang mga distractions kaangay sang pangpa kalam gamit ang balahibo, paghutik kag huni sang lamok.
Ang ila heart rate ang ginabantayan man, kun sin-o ang ma monitor may kalmado nga heart rate, siya ang magadaug bangud ini ang nagapakita sang maayo nga sleep quality.
Nahibaluan nga isa sa mayor nga problema sang mga South Korean amo ang supisyente nga oras sa pagtulog.
Ang pungsod India ang ika-duha nga ginakabig “sleep-deprived” nation kag sunod naman ang pungsod Japan.
