OPISINA SANG BTAO SAYLUHON SA BRGY. ALIJIS
BACOLOD CITY- Magabiya na sa Bazket BCD sa 15th Street, Lacson ang opisina sang Bacolod Traffic Authority Office (BTAO).
Suno kay BTAO head, Patrick Lacson, magasaylo na ang ila opisina sa isa ka propiedad sang ciudad sa Brgy. Alijis.
Suno kay Lacson, kinahanglan nga magsaylo sang opisina bangud sang pila ka requirements sang Commission on Audit (COA) sa diin indi makapasar ang nahamtangan sang BTAO. Ang BTAO naga-arkila sang P80,000 kada bulan sa Bazket BCD.
Ginaplastar na karon ang lugar sa Alijis kag suno kay Lacson posible nga sa Lunes masaylo na ang opisina sang BTAO. Samtang ang towing company nga naga-partner sa BTAO magapabilin naman sa Bazket BCD.
