KABANKALAN CITY- Ginkabig sang Kabankalan City Police Station nga case closed na ang pagpanglabo sang lalaki nga nagasuprer sang nervous breakdown sa mismo niya nga live-in partner kag mga kabataan sa Sitio Ibos Barangay Tapi ciudad sang Kabankalan.
Ang mga biktima ang ginkilala sanday Rubelyn Bulandres, 36 anyos, kag tatlo sini ka mga kabataan naga edad onse, anum, duha, kag isa ka tuig.
Samtang, ang suspek naman ang ginkilala kay Eumil “Toto” Francisco, 36 anyos kaga nagasuprer sang mental breakdown sa sulod sang duha na katuig.
Base sa interview sang DYHB kay Police Major Joelan Vinson, Deputy Chief sang amo nga estasyon nga ginahulat na lamang ang death certificate sang suspetsado nga nag utas sa mismo niya nga kaugalingon matapos ang pagpanglabo sa iya ka live-in partner kag apat ka mga kabataan.
Ginkabig nga case closed ang amo nga insidente bangod, nagtaliwan na ang suspetsado, kag wala sang iban pa ang anggulo nga ginalantaw ang mga kapulisan. Yara na sa karun sa estable nga kondisyon ang mga biktima sa amo nga insidente.
