Ginapaabot na ni Mayor Albee Benitez ang pagbasura sang Comelec sang Motion for Reconsideration (MR) nga gin-file ni former Mayor Bing Leonardia sa iya nga election protest.
Suno kay Benitez, nuisance case ang ginpasaka ni Leonardia kag maayo nga gintapos na ini sang Comelec.
Pila sa mga mga ginakwestyon sang kampo ni Leonardia sa ila election protest amo ang rampant vote buying, fake voters, pag-shade sang wala magamit nga balota pabor sa kontra, illegal campaigning kag iban pa.
Na-deny ang ila MR bangud kulang ang ebidensya, may iregularidad kag puro lang general statements nga wala man lang sang may naka attach nga affidavit agud pamatud-an ang ila mga alegasyon.
Yara sa kapin 64,446 ka mga boto ang abanse ni Benitez kay Leonardia sang nagligad nga 2022 elections.
