MURCIA – Patay ang former tanod matapos ginluthang sa Purok Proper, Brgy. Amayco, Murcia pasado las-5 sang hapon, Mayo 31, 2024.
Ginkilala ang biktima nga si Joenel Peruelo, 38-anyos kag soltero. Suno sa mga saksi, nagakaon ang biktima sang batchoy sa tiangge sa kilid sang basketball court sang ini ang ginpalapitan sang duha ka mga lalaki kag ginluthang.
Ang isa ka suspek ang naghulat naman sa motorsiklo nga ginsakyan sang mga ini. Malagyo pa kuntani ang biktima sang nakita sini ang duha ka suspek nga nagapalapit sa iya apang ini ang gintiro samtang nagatalikod. May yara sang 12 ka empty shells sang caliber .45 kag 9mm ang nakuha sa crime scene.
Sa pagpangusisa sang DYHB wala sang malain nga record sa barangay ang biktima. Apang sang 2016, may ginluthang ini nga lalaki nga nagahingalan kay Winnie Dalisay.
Sang 2016, tanod pa si Peruelo kag nagaserbe man body guard kay former and the late Punong Barangay Ian Carba.
Sadto nga tinion, ginpahayag nga gintuyo bun-on ni Dalisay si Carba apang gin-unahan ini luthang ni Peruelo. Napilasan si Dalisay sa insidente. Nagkasuhay ang duha, kag nagdaog si Peruelo.
