Gindeploy sang Police Regional Office 6 (PRO-6) ang 299 ka mga pulis para sa Revitalized-Pulis sa Barangay (RPSB) Program.
Ang nasambit nga mga pulis ang gin-deploy sa 17 ka mga barangay sa Region 6. May yara sang mga pulis nga gin-deploy sa isa ka barangay sa probinsiya sang Aklan kag Antique.
Samtang may yara naman sang tatlo ka barangay sa Capiz; apat sa probinsiya sang Iloilo; duha sa Iloilo City; duha man sa Negros Ocidental kag apat naman sa Bacolod City.
Gin-implementar ang RPSB program agod masustiner ang Community Support Program sang Armed Forces of the Philippines kag Retooled Community Support Program sang mga local government units.
Tinutuyo man sini nga mapunggan ang pagbalik sang insurgency, maproteksyunan ang mga komunidad nga indi apektado sang recovery efforts sang communist terrorist group, kag subong man mabuligan ang komunidad sa ila basic services nga dapat makuha sa gobyerno.
