Tubtob na lang sa Hulyo 5, 2024 ang pag-tiner sang mga stall owners sa Manokan Country. Sang Lunes, ginserbe na sang City Legal Office (CLO) ang demand letter sa mga tenants sang Manokan Country angot sa ila pag-vacate sa ila pwesto kag pasaylo sa temporary site sa sulod na mismo sang compound sang SM City Bacolod.
Suno kay City Legal Officer Atty. Romeo Carlos Ting Jr. nga tubtob nalang sa Hulyo 5 ang mga stall owners sang Manokan Country sa diin may yara sila sang option nga magsaylo sa temporary stalls ukon magpangita sang iban nga pwesto.
Paathag ni Atty. Ting nga ang mga tenants nga magasaylo sa temporary Manokan Country ang kinahanglan nga mag-proseso sang ila linya sang kuryente kag tubig. Dugang pa sang City Legal Officer nga kon nagamayan sang pwesto ang mga tenants sang Manokan Country sa ila temporary site, pwede naman sila makabaligya sa iban nga lugar sa diin mangin priority sila sagihapon sa New Manokan Country sa ti-on nga wala sila sang arrears kag back accounts.
Nahibalu-an nga may yara sang 27 ka stall owners sa Manokan sa diin may isa na ka tenant nga nagpahibalo sa CLO nga indi siya mag-avail sang pwesto sa sulod sang SM compound sa diin qualified naman ini sa bag-o nga Manokan Country bangud nga wala sang arrears ang amo nga stall owner.
