Magaserbe nga leksyon para sa mga abogado nga empleyado sang probinsiya ang suspension ni Provincial Administrator, Atty. Rayfrando Diaz II kag executive assistant sang probinsiya bangud sa “conflict of interest”.
Ini ang pahayag ni Atty. Roxenne Sumanting, ang anay empleyado man sang provincial government nga nagpasaka sang reklamo sa Office of the Ombudsman batok kay Atty. Diaz, Executive Assistant II Chery Sheil Valenzuela kag Provincial Legal Officer, Atty. Alberto Nellas Jr. Santo sa desisyon sang Ombudsman, anom ka bulan nga suspended si Diaz kag Valenzuela kag indi makabaton sang sweldo ang mga ini.
Samtang na-dismiss naman ang reklamo batok kay Nellas. Si Atty. Sumanting ang nagpasaka sang reklamo sang 2019 matapos wala naghatag sang legal assistance ukon representation ang provincial government sa banwa sang Binalbagan may angut sa expropriation case nga gin-file mismo sang banwa sa Regional Trial Court sa Himamaylan.
Ang reklamo ang nagasiling nga isa ka conflict of interest ang pagpresentar nanday Diaz kag Valenzuela bilang counsel sang JLL Agriculture and Development, isa sa mga defendant sang expropriation case samtang incumbent Provincial Administrator kag executive assistant II pa ang mga ini.
Ang expropriation case ang para kuntani masolusyunan ang pagbinaha sa banwa. Sa karon nagalaom si Atty. Sumanting nga maserbe na sang Department of the Interior and Local Government
