BACOLOD CITY- Nagapabilin nga missing ang tatlo ka mga persona, kapin isa na ka semana nga ginpa-rekord sumugod sadtong Hunyo 2 santo sa rekord sang mga kapulisan nga sakop ang Barangay Vista Alegre ciudad sang Bacolod.
Base sa interview sang DYHB kay Police Captain Andy Ofalia, nagparekord ang mga himata sang amo nga mga persona bangod sila ang nadula.
Apang santo sa pagpangusisa sang mga kapulisan sa amo nga estasyon nga wala may nakakita nga pwersa nga gindala ang amo nga mga persona sakay ang puti nga avanza nga salakyan.
Wala ginpalayag sang Bacolod PS7 ang mga missing nga persona apang una na nga ginpahayag sang Bago City Police Station nga ang mga missing person amo nanday Lorebelle Antiquerra, Joem Villacoer kag Jonel Nangan.
Dugang pa ni PCapt. Ofalia, anay preso ang duha diri sa ila sa kaso nga estafa kag illegal nga druga. Padayon ang imbestigasyon sang kapulisan kun diin kag ano na ang kahimtangan sang mga missing person sa sini nga mga tinion. Nagtuhaw ang mga himata sang mga missing person bangod sa nakita nga utod nga kamot sang tawo sa volcanic soil nga gindala sa Phase 3, South Bay Subdivision, Purok Tongoy, Brgy. Sampinit, Bago City, sang Hunyo 3 nga ila ginkahangawaan.
