Madamo na sang mga nagatuluhaw nga nagkalain-lain nga gimik para sa kape. May kape nga ginsamo sa makahulubog nga ilimnon kag kape nga may mikskla nga prutas pero, nakabati kana bala sang kape nga may upod nga spring onions ukon sibuyas dahon?
Sa pungsod China, wala sang imposible bangud bisan panakot wala gid makaluwas! Ini ang ila ginatawag spring onion latte.
Ang ini nga gimik ang una na nga nag viral sa social media sa rason nga pinasahi kag bag-o ini sa ihibalo sang kadam-an. Sa pagtimpla sini, una dapat nga dunuton ang sibuyas dahon sa sulod sang cup antis ini butangan sang ice kag gatas.
Sunod nga ginabutang diri ang mismo kape kag diri gilayon ginadugang ang na-chop nga sibuyas dahon para i-toppings.
Pamangkot naman sang pila ka mga netizen, ano ayhan ang sabor sini? kag kun mag baho sibuyas dahon man bala ang ginhawa mo pagkatapos mo sini inom?
Ikaw kasama, maga dare ka bala magtilaw sang ini nga kape?
