Ginakabig ni Gov. Bong Lacson nga “historic day” ang June 13, para sa Negros Occidental, Negros Oriental kag Siquijor matapos nga ginpirmahan na ni Presidente Bongbong Marcos Jr. sang Republic Act 12000.
Pahayag sang gobernador nga 30 years in the making ang pagtukod sang Negros Island Region (NIR). Nagapasalamat man si Lacson kay Marcos, House Speaker Martin Romualdez, Senators Migz Zubiri kag JV Ejercito, mga gobernador sang Oriental kag Siquijor kag sa tanan nga mga mamalidha sang tatlo ka probinsya.
Dugang pa ni Lacson nga may maayo nga impact ang NIR sa internal security, peace and order, environmental management, disaster risk reduction, tourism promotion, integrated development planning kag mas hapos nga access sa regional offices.
Nagapasalamat naman si Bacolod City Mayor Albee Benitez sa pagpirma sang presidente sang NIR Act.
Suno kay Benitez, sa pagtukod sang NIR, lauman na ang dugang nga mga proyekto, infrastructures kag pagsanyog nga makabenepisyo para sa mga pumuluyo sang three-province region
