Nagaplano ang Department of Environment and Natural Resources (DENR) nga magbutang sang equipment para sa air and water monitoring para sa Bulkan Kanlaon.
Sa interview kay DENR Secretary Maria Antonia Yulo Loyzaga, nagakoordinar na sila sa karon sa provincial government kun diin mahimo ipahamtang ang mga instrumento.
Suno naman kay DENR Regio 6 Director Livino Duran, nakapatigayon na sang air quality monitoring kasunod sang paglupok sang Bulkan Kanlaon sang Hunyo 3 samtang ginaplano naman ang sa water quality.
Ini bangud sa karon may yara pa sang lahar sa mga kasubaan. Apang suno kay Duran, isa sa ginalantaw nga pahamtang sang water quality monitoring equipment amo ang ciudad sang Bago.
Ginalantaw man sang DENR nga i-enhance ang tanan nga monitoring systems para sa bulkan nga nahamtang na nga daan sa probinsiya.
