Tuman kanami lantawon ang mga talamnan diin makita ang duag green nga mga humay, kaangay nga nagapakita sa pagtinguha sang mga mangunguma.
Isa sini ka halimbawa ang Banaue rice terraces sa Ifugao. Ang humay ang isa sa mga nagapanguna nga ginatanom diri sa Asya bangud sa adlaw-adlaw man nga demand sini.
Apang paano ayhan kun ang humay indi sa talamnan nagtubo kundi sa ulo sang tawo? Gustuhon mo pa bala magkaon sang kan-on halin diri? Isa ka lalaki sa pungsod India ang nagputos sang iya ulo sa turban para butangan ini sang duta agud mapatubo niya ang humay diri.
Kaangay sa iban nga mga tanom, iya man ini ginabunyagan kag ginatatap sang maayo. Suno sa Indiano ginhimo niya ini agud ipakita nga simbolo sang “vitality” ang iya ulo bangud sa humay nga nakatanom diri.
Bangud sini, iya man gina engganyo ang kadam-an nga sundon ang iya gina ubra. Kun mag-abot ang tyempo sang tig-alani, iya man ginakolekta ang humay kag ginaluto ini para kaunon.
Gilayon niya man ini ginabuslan sang bag-o nga pananom para mag sige-sige lang ang iya naandan na. Para mahalungan ang humay, gin ako sini nga nagapungko siya kun magtulog. Ikaw kasama, masarangan mo bala magkaon sang kan-on halin sa humay nga nagtubo sa ulo sang tawo?
