Mga tawo sa Thailand nga nagapangamuyo mag ulan, gin-parade si Doraemon Kun tuman ka lawig na ang tigiti sang init, halos tanan nga butang ubrahon ta na.
May mga argumento sa pagpatigayon sang cloud seeding, samtang may iban nga nagapangamuyo na lang sang ulan.
Sa pungsod Thailand isa ka ritwal ang ginpatigayon sang mga pumuluyo sa Phayuha Khiri District sa probinsya sang Nakhon Sawan para lang magbubo ang bisan dutay nga ulan. Ano bala ang ini nga ritwal? Ila ginparada si Doraemon, ang kilala nga Japanese cartoon cat.
Ili ginsulod si Doraemon sa hawla samtang suksok ang nila ang ila colorful nga costume. Samtang nagalabay ang parada sa iban nga mga panimalay, ginabasyahan sang mga taho si Doraemon sang tubig.
Ang ini nga ritwal ang kilala sa tawag nga “Hae Nang Meaw” isa ka pagpati nga naandan na sang mga pumuluyo kada mag tig-ilinit.
Sila ang may pagpati nga ginatawag sang mga kuring ang ulan pinaagi sa pag “meow-meow” sini. Apang, ang sa naandan na nga ritwal, buhi nga kuring nga babayi ang gina-parade kag karon lamang nila napinsaran nga halampangan nga doraemon ang iparada.
