BACOLOD CITY- Nagpungko bilang Officer In Charge sa Bacolod City Police Station 7 kahapon nga adlaw, Hunyo 18 si Police Captain Greeky Cayao tal-os kay Police Captain Andy Ofalia.
Base sa interview sang DYHB kay PCapt. Cayao, nagpaidalom sa schooling si PCapt. Ofalia. Madumduman si PCapt. Cayao ang nangin station commander sadto sa Police Station 4 kag nagikan ini siya sa Bacolod City Police Office headquarters.
Pagatutukan sa karun sang OIC ang imbestigasyon natuhoy sa tatlo ka mga missing person nga mga residente sang Brgy. Vista Alegre kag shooting incident sa kapareho nga barangay.
Dugang pa ni PCapt. Cayao, mas pasanyugon man niya ang kampanya kontra kriminalidad sa area of responsibility.
