Arestado ang duha ka mga lalaki sa separado nga buy bust operations sa EB Magalona kag Kabankalan City. Isa ka 20-anyos nga lalaki ang naaresto sa buy bust operation sa Barangay Tuburan, EB Magalona , Negros Occidental, las-9:05 sang gab-i, Hunyo 18, 2024.
Ginkilala ang suspek nga si Leo Patrick Jardenico kag residente sang nasambit nga lugar. Nakuha sa suspek ang 11 grams sang suspected shabu nga nagabalor sang P74,800.
Samtang nakuhaan naman sang armas kag iligal nga droga ang isa ka street level individual sa buy-bust operation sang Kabankalan City Police Station sa Sitio Lupni, Barangay Hilamonan, Kabankalan City, Negros Occidental las-3:50 kahapon.
Ginkilala ang suspek nga si Arvel Alipato, 35-anyos, single, wala sang trabaho, residente sang nasambit nga lugar. Nakuha sa suspek ang isa ka unit sang caliber .38 revolver nga may tatlo ka mga bala kag isa ka bala sang caliber .357 kag 11 gramos sang suspected shabu nga nagabalor man sang P74,800.
