BACOLOD CITY- Nagbag-o ang desisyon sang pila ka mga vendor nga indi luyag sadto nga igapa-renovate ang Burgos Public Market bangod sa mainulanon nga panahon sa sini nga mga tinion.
Base sa interview sang DYHB kay Reynaldo Bulawan, manugbaligya sa merkado, indi niya luyag sadto ang proyekto sang ciudad bangod kuntento na ini siya kun ano ang may yara siya nga pwesto nga merkado, apang sang nangin mainulanon na ang panahon, personal niya na-ekpersiyahan ang tuman ka damo nga problema sa merkado.
Pila ka mga problema nga nakita ni Bulawan, amo ang pagdamo sang tulo sang atop sang merkado, wala sang maayo nga drainage system, kag iban pa.
Suportado na si Bulawan sa amo nga proyekto sang ciudad para sa ila tagsa ka mga manugbaligya kag pagpatahom sa merkado.
Madumduman nagdaog ang mga vendors nga wala nagapasugot nga bag-uhon ang merkado pinaagi sa ila pag-botohanay.
