Ginapasiguro sang Department of Agriculture (DA)-Western Visayas ang suporta kag bulig sa mga apektado nga mangunguma angot sa paglupok sang Bulkang Kanlaon.
Suno kay DA-6 Regional Executive Director Dennis Arpia nga nagpadala na sa sila sang technical personnel nga nagpatigayon sang soil analysis sa mga areas nga apektado sang lahar flow sa palibot sang Kanla-on.
Samtang, may naka-preposition naman nga binhi (seeds) and inputs ang DA-Western Visayas para ipanagtag sa mga apektado nga mga farmers.
Base sa situation report sang Regional Disaster Risk Reduction and Management Council (RDRRMC) VI, as of June 19, 135 na ka mga mangunguma ang apektado sang Kanla-on eruption nga nagacover naman sa 74.8 hectares nga may total production loss nga naglab-ot sa 11 million pesos.
