Patay ang isa ka lalaki matapos nga natiruhan pasado alas-una sang kaagahon, June 23, 2024, sa 18th Lacson, syudad sang Bacolod.
Ang biktima amo si Janjan Garino, 25 anyus, residente sang Barangay Caliban, banwa sang Murcia.
Suno sa hepe sang Police Station 2 Police Captain Glenn Motańo nga base sa ila imbestigasyon may yara sang komprotasyon nga natabu sa isa ka bistro sa 18 Street gikan sa grupo sang biktima kag suspek.
Dugang pa ni Motańo nga una nag-gwa sa ilimnan ang suspek (unidentified) kaupod sang isa ka babayi sang ini sila ginsundan naman sang biktima.
Sa imbestigasyon sang PS2, nagasakay na sa motor ang suspek sang gintiklod ni Garino ang suspek rason nga natumba ini.
Didto na kag ginkuha sang suspek ang armas sa ubox sang iya motor kag gintiro ang biktima sa diin na-igo ini sa likod.
Sa karon wala pa sang identity ang Police Station 2 sa suspek samtang padayon pa man nga ginahusisa kon ano nga armas ang gingamit sa pagluthang sa biktima bangud nga wala ang recovery nga empty shell sa lugar sang insidente.
Ang biktima ang gindala sa Riverside Medical Center apang gin-deklarar nga dead on arrival.
