Isa ka pinakadako nga fossilized nga higko sang sina-una nga tawo ang nadiskubrehan sa York northwest England diin nagabalor ini sang kapin $38,000 ukon P2.2 million.
Ini ang ginapatihan ginapanag-iyahan sang nagamasakit nga vikings sang 9th Century AD. Ang ginakabig “precious” nga higko ang ginatawag nga Lloyds Bank Coprolite ukon sa simple nga tinaga, fossilized manure.
Ang ini nga 1200 year old nga higko ang makabig man nga pinakadako nga manure nga narecord sa kasaysayan . Ini ang nagatakos 8 ka pulgada ang kalabaon kag 2 inches man nga kalaparon.
Ini ang una natukiban sang mga construction workers samtang sila ang nagatrabaho sa isa ka building sang Lloyds TSB branch, isa ka area nga sadto ginapanag-iyahan sang Norse warriors.
Suno sa isa ka scientist nga si Dr. Andrew Jones, ini ang pinakadako nga excrement nga iya nakita. Pahayag pa sini nga isa ini ka manggad nga indi sarang mabayluhan sang ano man nga butang.
Base naman sa pagtuon sang mga Paleoscatologists, ila nakita nga kalabanan tinapay kag karne lang ang ginakaon sang tag-iya sang higko. Kaangay sang masami ginakaon sang isa ka viking ukon mananagat.
May mga nakita man nga may inagyan nga peste ang nasiling nga higko, indikasyon nga ginamasakit ang nasiling nga tawo.
Bangud man sini, nag-organize ang center sang isa ka virtual workshop nga ginasaulog kada bulan sang Pebrero. Ini ang ila ginatawag nga “Poo Day.”
