Ginklaro sang Philippine Coastguard nga wala sang kaangtanan ang Maritime Pollution Exercise (MARPOLEX) 2024 natuhoy sa gakatabo nga konplekto sa tunga sang Pilipinas kag China sa West Philippine Sea.
Base sa pahayag ni Coast Guard Captain Weneil Azcuna, Commander sang Coast Guard District Western Visayas, ang MARPOLEX ang ginapatigayon kada duha ka tuig kun sa diin sang tinalikdan, Indonesia ang nagpanguna sa amo nga aktibidad.
Ang MARPOLEX ang isa ka interoperability exercise agod maghatag sang solusyon para sa maritime safety kag environmental protection.
Sa amo nga exercise, diri ginapakita ang responsibilidad sang tagsa ka mga coast guards natuhoy sa search and rescue; firefighting; oil spill recovery operation; equipment recovery operation; kag iban pa.
Nagpartisipar sa amo nga aktibidad ang mga coast guards nagikan sa pungsod Indonesia kag Japan, kaupod sang Philippine Coast Guard.
