TLJPH MANGIN ISA NA KA TRAINING HOSPITAL
Mangin isa na ka training hospital ang Teresita Lopez Jalandoni Provincial Hospital (TLJPH).
Suno kay Dr. Mary Ann P. Maestral magasugod na ang training program sang hospital sa diin magabaton sila sang mga newly graduated doctors. Suno kay Maestral, tatlo ka tuig ang training program para mangin resident ang mga doctors kag mahimo na sila nga i-deploy sa mga magagmay nga hospital sang probinsiya.
Sa karon may yara na sang isa ka scholar sang probinsiya nga nag-apply para sa programa sa internal medicine department.
Nagapangita naman ang probinsiya sang tatlo ka applicants tagsa ka department.
