Nalumos ang isa ka lalaki samtang nagapaligo sa overflow sa suba nga sakop sang Hacienda Bernardita, Brgy. Caduhaan, Cadiz City kadungan sang kapiestahan ni San Juan Bautista kahapon, Hunyo 24, 2024.
Ginkilala ang biktima nga si Jose Pepito Burce kag nagluntad ang insidente las-12:30 sang udto samtang upod man sini nga nagapaligo ang iya pamilya.
Suno kay Punong Barangay Jobert Javier, naglukso ang biktima sa overflow apang ginbuyong-buyong ini sang tubig sa idalom kag wala na nakabutwa tubtob nakita ang lawas sini matapos ang isa ka oras.
Gindugang pa ni Javier nga nakainom man ang biktima. Gindala pa sa hospital ang biktima apang gindeklarar ini nga dead on arrival.
Gindugang man ni Kapitan Javier nga si Burce ang ikaduha na karon nga bana sang iya asawa. Ang una nga bana ang nalumos man sa nasambit nga suba.
