PROVINCIAL CAPITOL – Nakapili na si Governor Bong Lacson sang bag-o nga chief-of-hospital sang Teresita Lopez Jalandoni Provincial Hospital (TLJPH).
Ginhingadlan sang gobernador si Dr. Francis Gabriel Relota bilang magabulos kay Dr. Mary Ann Maestra matapos ini ang gin-appoint bilang undersecretary sang Department of Health (DOH).
Si Relota ang isa ka Medical Officer III kag amo karon ang Chief of Clinics sang Provincial Hospital. Suno kay Lacson, ginpasiguro sa iya ni Relota nga handa na ini nga magbulos sa posisyon kag padayunon ang pag-improbar sang mga serbisyo sang TLJPH.
Samtang, ginahulat ni Dr. Maestral nga makahambalanay sila ni Health Secretary Ted Herbosa angot sa mangin assignment sini sa DOH kasunod sang appointment sang presidente.
Yara sila karon sa transition period kag kumpiyansa man ini nga preparado na ang TLJPH.
