– Ginpangunahan ni Governor Bong Lacson ang pagpatigayon sang Negros Occidental 2024 Provincial Water Summit, Myerkules sang hapon.
Gintalakay sa kahiwatan ang mga proyekto sang probinsiya, upod sa NGO partners sini, para sa handum nga water security sa Negros Occidental.
Nalakip man sa ginpresentar ang natalana nga bidding para sa Bulk Water Supply Project subong nga adlaw, subong man ang sanitation projects kag pagkaayo sang watershed sa kabukiran.
Nangin dinapit nga bisita si 3rd District Congressman Kiko Benitez samtang nagtambong man sa okasyon ang mga alkalde. Ang 2024 Provincial Water Summit ang may tema, “Journey to #WaterSecurePH”.
