Ang kalipay nga nabatyagan sang isa ka babayi sa Zamboanga Del Sur sa kasal sini ang nabayluhan sang kasakit sang iya natukiban nga indi na siya madumduman sang iya bana, sa mismo adlaw pagkatapos sila ginkasal.
Ang mag-asawa amo sanday Janjan kag Loaren Campaner, may duha ka mga kabataan kag masobra isa ka dekada na nga magka-relasyon.
Natukiban nga nakaangkon sang traumatic injury si Janjan nga nagtuga sang ginatawag nga retrograde amnesia. Nahibaluan nga pagkatapos sang kasal ni Janjan kag Loaren nag ginamo ang ila sini nga pamilya, rason kun ngaa ginpautwas ni Janjan ang iya kaakig pinaagi sa paglampos sang iya ulo sa pader.
Karon, tuman gid ang kasubo ni Loaren nga wala man lang nila na-enjoy ang ila pag-asawahay. Ginatinguhaan na lang ni Loaren sa karon ipadumdum sa iya bana ang ila nakaligad pinaagi sa pagpakita sang ila litrato kasubong man sa pagsab-it sang iya wedding gown sa ila kwarto agud madumduman ni Janjan ang ila malipayon nga kasal.
