Ginpili sang Western Visayas Regional Disaster Risk Reduction and Management Council ang Bacolod City bilang pilot area para sa 2nd Quarter Nationwide Simultaneous Earthquake Drill (NSED), las-2 karon sa hapon, Hunyo 28, 2024.
Bilang partisipasyon, ang mga residente kag institusyon ang ginahaylo nga mag-perform sang “Duck, Cover, and Hold” drill. Ang Bacolod City Public Plaza ang mangin ceremonial site para sa event.
Ang drill maga-focus sa apat ka mga impact areas nga ginalakipan sang La Consolacion College Bacolod, Park Inn by Radisson Bacolod, Rizal Elementary School, kag Purok Violeta sa Barangay Taculing. Angot diri, ang publiko ginapahibalo sa posible traffic kag rerouting.
