Siling nila mas maayo nga antis ka mangasawa kag magka pamilya, dapat may balay na kamo nga ma tiniran.
Ang sadto malipayon nga panimalay ang karon puno na sang kapait kag kaakig. Hungod nga ginsunog sang isa ka British millionaire nga si Francis McGuirk ang ila balay agud indi na ini mapuslan pa sang iya asawa matapos ang mga ini nagbulagay.
Sa isa ka trial, gin akusar sang soon to be ex-wife si Francis nga hungod sini ginsunog ang ila balay bangud sa iya sini kaakig. Ang damage sang sunog ang naglabot sa $1.4 million ukon P81.7 million.
Nagagwa sa imbestigasyon nga sang nahibaluan ni Francis nga wala tawo ang balay, gin-text sini ang iya asawa nga sunugon niya nalang ang ila puluy-an agud wala ini sang may makuha pa kun ma divorce na sila. Pahayag pa sini nga nga iya iga-lock ang iya kaugalingon sa sulod sang balay samtang ginatuturan niya ini kag iya lang i-itsa sa gwa bintana ang ila ido.
Sang nag amat-amat na dako ang kalayo, gilayon ini nakita sang iya mga tupad balay rason nga nahingagaw ini patawgan sang bumbero. Pag abot sang asawa sang lalaki sa iya balay, nakibot na lang ini sa iya nadangtan.
Iya man nakiya si Francis nga naga papraning, wala man ini nagpasugot nga bulngon ang iya mga paso sa lawas.
