Plano isaylo sang Department of Health (DOH) Western Visayas ang mobile water treatment plant sang La Carlota City padulong sa banwa sang La Castellana.
Ginpahayag ni DOH Western Visayas Regional Director Dr. Adriano Subaan nga wala sila sang na-monitor sa karon nga problema sa tubig sa ciudad sang La Carlota amo kun ngaa luyag nila ini isaylo sa lugar nga karon nagapangatubang sang seryoso nga pagpamahog sa posible waterborne diseases.
Suno kay Suba-an naistorya niya naman si La Carlota Mayor Rex Jalandoon angut diri kag nagsugot man ang alkalde.
Apang pangabay lang sini nga padayunon lang sa gihapon sang DOH ang potability testing sa ila mga water sources.
Sa karon, padayon pa ang monitoring sang DOH sa mga ginakuhaan tubig sa La Castellana matapos ini makitaan sang coliform nga makatuga sang diarrhea sa mga tawo.
