Halos tanan nga mga babayi nagahamdum nga kaslon pila kaadlaw. Labi na kun ang imo pakaslan kag mapamana amo ang lalaki man nga ginahigugma mo.
Apang sa Russia, nakibot na lang ang isa ka 24-anyos nga babayi nga matapos sini natukiban nga kasado siya sa isa ka Egyptian halin pa sang 2022, tuig pagkatapos sini madula ang iya nga passport.
Una na ginreport sang babayi sa otoridad ang iya nadula nga passport apang wala na ini nagkabalaka pa nga mag gawad liwat.
Sini gid lamang nga tuig, sang gina proseso sini ang birth certificate sang iya nga bata, nakibot na lang ini sang ginhambalan siya nga kasado sila sang isa ka Egyptian nga nagahingalan Mustafa.
Nanindugan ini sa Russian Registry nga wala siya sang bana nga Egyptian kag wala ini sang kilala nga Mustafa.
Wala naman sang pahayag ang lalaki kun bala siya ang nakakita sang passport sang babayi kag gingamit ini sa iya personal nga intensyon. Apang natukiban sa isa ka report nga gingamit sang Egyptian National ang nasiling nga dokumento para mag-apply sang temporary residency sa Russia.
Matapos mabatian sang korte ang alegasyon sang babayi kag nakumpirma ang pagkadula sang passport sini tatlo ka tuig ang nakaligad, gin-annul sini ang ila “pag-asawahay.”
