BACOLOD CITY- Iga-deploy ang kapin 100 ka mga kapulisan nagikan sa Bacolod City Police Office headquarters, Bacolod City Police Station 4, kag pila ka mga police station sa ciudad sa Bacolod City Government Center para sa pagpatigayon sang ikaduha nga State of the City Address (SOCA) ni Bacolod City Mayor Albee Benitez.
Ginpahayag ni Police Captain Francis Depasucat, Station Commander sang Bacolod City PS4, nakahanda na ang mga kapulisan nga iga-deploy sa BCGC ground agod masiguro ang kalinong kag katawhay samtang ginapatigayon ang SOCA.
Ginahanda na man sang ciudad ang mga canopy, lights and sounds, baral sa palibot sang BCGC, kag iban pa.
