Naghatag sang 8 out of 10 nga grado si Vice Mayor El Cid Familiaran sa performance ni Bacolod Mayor Albee Benitez.
Ini matapos ang pagpatigayon ni Benitez sang iya ikaduha nga State of the City Address (SOCA). Suno kay Familiaran, performer ang alkalde kag may nabilin pa nga binulan sa iya una nga termino antes naman ang May 2025 election.
Samtang ginpahayag ni Familiaran nga wala pa man ini sang plano para sa 2025 election. Si Familiaran ang magatapos sang iya tatlo ka termino bilang bise alkalde sang Bacolod sa 2025.
