Gintalana subong nga adlaw ang deadline sa pagpahalin sa mga tenants sa Manokan Country para sa redevelopment sang sikat nga land mark sang ciudad sang Bacolod.
May angot diri, ginahingyo sang mga Manokan Country tenants si Bacolod City Mayor Albee Benitez kun pwede sila makapahamtang sang temporaryo nga baligyaan sa likod sang Government Center.
Suno kay Benitez, wala pa nila maistroryahan kun sin-o ang magasto sang stall nga tukuron apang pg klaro lang ni Benitez, dapat mabayad ang mga ini sa gihapon sang arkila sa ciudad kun luyag nila sa likod Government Center magplastar.
Samtang, pagabuksan lang sa gihapon sang ciudad ang iban ang pwesto sa parking area sang SM City Bacolod kon indi ini pag-usaron sang mga tenants.
Nahibaluan nga gintanyag sang SM City ang ila transport terminal para temporaryo nga sayluhan sang mga tenants sa sulod sang 18 ka bulan samtang ginapatigayon ang redevelopment apang nagareklamo ang mga vendors bangud tuman kagamay ang lugar para sa ila.
