Nagtaliwan ang isa ka construction worker matapos ginluthang sa Purok Masagana, Brgy. Taculing, Bacolod City, mga las-6 sang gab-i, Hulyo 10, 2024.
Suno kay Police Captain Dax Santillan, hepe sang Police Station 6, naga-edad sang 37-anyos ang biktima apang wala pa ginpaguwa ang ngalan sini bangud wala pa sang clearance gikan sa pamilya.
Sa inisyal nga pagpangusisa sang Police Station 6, posible duha ang suspek ang nagluthang sa biktima. Igo sa dughan ang naangkon sang biktima nga gintunaan sang kamatayon sini. Sa karon nagapadayon ang imbestigasyon sang kapulisan sa nasambit nga shooting incident.
