WORLD NEWS-Nagmando ang Israeli military sa mga pumuluyo sa Sur kag sentral sang Gaza City nga magbiya na, sa tunga sang mas ginpabaskog nga operasyon sa norte nga bahin sang lugar.
Ginpabalo ang amo nga impormasyon pinaagi sa paghulog sang leaflets nagikan sa aircraft nga nagamando nga magbiya na ang tanan nga mga pumuluyo sa Gaza City ilabi na sa mga area nga ginkabig nga “dangerous combat zone.”
Ginhatagan sang luwas nga rota ang mga pumuluyo nga mag-evacuate kun sa diin ila ginmarkahan ang duha ka mga dalan padulong Deir al-Balah kag al-Zawaida.
Nagakabalaka sa karun ang United Nation sa amo nga mando sang Israeli military sa mga pumuluyo.
Madumduman sang tinalikdan nga duha ka semana, nag-issue ang Israeli forces sang evacuation order kag sila ang liwat nga nagsulod sa Gaza City, kun sa diin sila ang nagapati nga ang Hamas kag Palestinian Islamic Jihad ang nagtipon liwat halin sang pagsugod sang tuig.
Ang kinagamo ang nagapadayon samtang padayon man ang negosasyon sa posible nga ceasefire kag pagpahilway sa mga hostages sa tunga sang Israel kag Hamas.
