BACOLOD CITY- Nasapwan nga wala na sang kabuhi kag yara na sa advance state of decomposition ang isa ka call center agent sa sulod sang iya nga boarding house sa Purok Langis, Barangay Banago ciudad sang Bacolod, kapin ala-una sang hapon, adlaw sang Huwebes, Hulyo 11.
Ang biktima ang isa ka lalaki, legal ang edad, kag temporaryo naga-istar sa amo nga lugar. Base sa interview sang DYHB kay Police Captain Rondyll Tapang, Station Commander sang Bacolod City Police Station 3, yara sa kapin tatlo na ka adlaw nga nagtaliwan ang biktima sa sulod sang iya nga kwarto.
Santo sa inisyal nga imbestigasyon sang SOCO, wala sang injury ukon pilas nga nakita sa lawas sang biktima.
Nahibaluan nga may ginasuprer nga balatian sa ikaayong lawas ang call center agent antes ini nagtaliwan.
Ginahulat na lang sa karun sang mga kapulisan ang desisyon sang himata ka biktima kun luyag nila ipaidalom ini sa autopsy.
