Patay ang isa ka menor de edad nga lalaki matapos ginluthang sa corner Locsin-Cuadra, Bacolod City pasado la-una kaina sang kaagahon.
Suno sa testigo nga na-interview sang DYHB, ang biktima posible naga-edad sang 15-16 anyos.
Ang biktima ang nagatulog sa kilid sang isa ka grocery store. Suno pa sa testigo, antes pa man gintiro ang biktima naghilibion ini bangud nga ginkastigo ini sang rugby boys sa downtown.
Ang testigo amo ang nagtudlo sa biktima kon diin ini magaplastar sa kilid sang grocery store. Apang antes pa man natulugan, may nakita na ang testigo nga isa ka motorsiklo nga naga-parking sa kilid.
Ang naga-motorsiklo amo ang nagluthang sa biktima sa diin naigo ini sa ulo. Ang suspek ang naga-sakay sa scooter.
Sa imbestigasyon, ang biktima ang isa sa mga menor de edad nga nagkuha sa 5-anyos nga bata nga babayi sa ciudad sang Talisay kag gindala diri sa Bacolod City sang nagligad nga sinimana.
