Indi na bag-o sa veteran volleyball player kag former beauty queen nga si Michele Gumabao ang kalibutan sang showbiz tungod sa amay sini nga si Dennis Roldan kag utod nga si Marco Gumabao.
Sa interview kay Mitch, ginpamangkot ini kon bala handa siya nga bayaan ang volleybal para mangin certified artista. Para sa iya, indi niya basta-basta mabayaan lang ang volleyball nga nangin parte na sang kabuhi niya, pero kon mahatagan sang tsansa indi ini magduha-duha nga mag arte sa atubang sang camera, and yes–she’s ready to enter show business.
Mahibaluan nga nangin anay housemate ini sa bahay ni Kuya sa reality show nga Pinoy Big Brother, gani may idea na pag-abot sa showbiz nga ginatawag.
Dugang pa niya, luyag niya nga matun-an ang pag-arte sa diin si Papa P (Piolo Pascual) kag Jericho Rosales naman ang handum niya mangin leading man. I pep photo
