PROVINCIAL CAPITOL – Gin-turnover na sang Department of Environment and Natural Resources (DENR) sa Provincial Government sang Negros Occidental ang special patent title sang Mambukal Summer Resort ang Wildlife Sanctuary.
Ang turnover ceremony ginhiwat sa Social Hall sang Provincial Capitol kun sa diin mismo si Governor Bong Lacson ang nagbaton sang titulo.
Suno kay Governor Lacson, karon nga “legal” na ang pagpanag-iya sang Probinsiya sang 24 ektariyas nga Mambukal property, plano nila nga magpatuman sang pila ka mga improvements sa resort.
Nagbakal sang dugang nga 11 ektariyas sa palibot sang resort agud pahamtangan sang mga villas kag plano man nga magbutang sang boat rides ukon kayak ride sa lagoon. Samtang, ginpasalamatan naman ni Lacson ang ginsundan sini nga mga gobernador sa pagsugod sang proseso agud matituluhan ang Mambukal. I Mambukal photos
