Ginkasubo sang Punong Barangay sang Blumentritt, Murcia ang nangin reaksyon ni anay Murcia Mayor kag karon 3rd district Board Member sang probinsya nga si Andrew Montelibano angut sa plano kun tani sini nga pagpapili sa 2025 elections.
Sa interview sang DYHB kay Punong Barangay Alan Martinez, ginpahayag sini nga luyag niya magpapili alkalde bangud wala ini sang may nabaton nga suporta halin kay Mayor Gerry Rojas, bisan na lang kun tani para sa proyekto sang barangay.
Pahayag pa ni Martinez nga sa 23 ka mga barangay sa banwa sang Murcia, madamo na sang nag-signify nga magsuporta sa iya.
Apang paathag ni Martinez nga kun magdisider si Montelibano magpadalagan alkalde, indi siya mag kontra diri.
Nagsakit lang buot sini bangud sa una ginpahayag ni Montelibano nga 60 lang gani ang abanse ni Martinez sa iya kasumpong sang nagkandidatura ini nakaligad nga Barangay kag Sangguniang Kabataan Elections 2023, gahandum pa siya padalagan Alkalde.
