WORLD NEWS- Patay ang kapin 16 ka mga persona matapos nga nagluntad ang sunog sa isa ka shopping mall sa Southwest nga bahin sang pungsod China.
Ang sunog nagsugod sa ika-14 nga panalgan sang commercial building sa ciudad sang Zigong, sa probinsya sang Sichuan, sang Miyerkules sang gab-i kag ang mga katapo sang bombero ang nagpalong sang kalayo tubtob sang aga sang Huwebes, Hulyo 18.
Natigayon nga na rescue ang 75 ka mga persona nga yara sa sulod sang mall sang natabo ang insidente.
Santo sa CCTV, nagsugod ang kalayo sa idalom nga panalgan sang establisyemento, kun sa diin nahamtang ang department store, opisina, restaurant, kag movie theatre.
Base sa inisyal nga imbestigasyon, ang operasyon sa construction ang nagresulta sang kalayo, apang padayon pa sa karun ang imbestigasyon sang mga otoridad sa nagluntad nga sunog.
