NEGROS OCCIDENTAL- Magabisita sa probinsya sang Negros Occidental ang kapin 130 ka mga Very Important Pinoy (VIP) nagikan sa luwas sang pungsod kag mga foreigners sa Hulyo 22 kag 23.
Base sa pahayag ni Cheryl Decena, head sang Provincial Tourism Office, magakari ang amo nga mga bisita pinaagi sa collaboration sang Department of Foreign Affairs, Province of Negros Occidental, Bacolod City, kag mga Local Government Unit sang probinsya.
Ginkabig nga mga VIP ang mga bisita bangod ini sila ang mga Filipino nga nagikan sa New York kaupod sang mga foreigners ukon non-Filipino. Barrio Fiesta, ang ginapreparahan sang probinsya nga tema sa pag-abot sang mga bisita kun sa diin iga-showcase ang mga produkto kag pagkaon nagikan sa livelihood program.
Magluwas sina, natalana man nga sila ang magabisita sa mga heritage district kaangay sang Silay kag Talisay City. Magapahamtang man sang culture hub ang probinsya nga daw kaangay nga nalibot na sang mga bisita ang bilog nga Negros Occidental.
