NEGROS OCCIDENTAL- Nagtaas sa 17.4% ang kaso sang dengue sa probinsya sang Negros Occidental komparar sang tinalikdan nga tuig sa kapareho nga period.
Base sa pahayag ni Dra. Girlie Pinonggan, Provincial Health Officer Head, nagdangat na sa 874 ang kaso sang dengue sa probinsiya samtang may tatlo na nga nagkalamatay sa amo nga kaso.
Masami nga gina-igo sang dengue sa probinsiya amo ang mga kabataan kun sa diin pila diri sa ila ang gin-admit sa ospital kag iban ang out patient.
Santo sa rekord, sa Sur nga bahin sang probinsiya ang may pinakadamo nga rekord sa amo nga kaso.
Dugang pa ni Dra. Pinonggan, nagalibot sa karun ang mga Local Government Unit kag Barangay officials sa tagsa ka mga lugar agod mag-abiso sa publiko nga magpaninlo sa palibot ilabi na sini nga tig-ululan kun sa diin may mga possible nga pugaran sang lamok nga nagadala sang dengue.
