Gin-relieve na sa iya posisyon bilang City Director sang Bacolod City Police Office (BCPO) si PCol. Noel Aliño matapos ang 15 ka bulan nga pagserbisyo sini sa ciudad.
Ire-assign si Aliño sa Criminal Investigation and Detection Group (CIDG), epektibo subong nga adlaw, Hulyo 19.
Abril 18, 2023 sang nagpungko bilang hepe sang BCPO si Aliño tal-os kay PCol. Thomas Joseph Martir.
Pila sa mga order nga ginpatuman ni Aliño sa iya pagpungko bilang hepe sang BCPO amo ang pagpasangkad sang police visibility agud nga mapunggan ang pagluntad sang pila ka krimen sa ciudad.
Si Aliño ang nangin Station Commander man sang Manila Police District kag Director sang Iloilo Police Provincial Office.
Sa karon, wala pa sang impormasyon sa kun sin-o ang magabulos kay Aliño bilang bag-o nga CD sang Bacolod.
DYHB
