Vector illustration in HD very easy to make edits.
Patay ang isa ka babayi sa Purok Rizal, Barangay Talaban, Himamaylan City, Negros Occidental matapos ini ginbuno sang iya kaingod balay nga lalaki, las 5 kahapon, Hulyo 19.
Ang biktima ang ginkilala kay Rose Ann Gahito, 29 anyos, may live in partner, anay nagatrabaho bilang Overseas Filipino Worker (OFW), samtang ang suspek naman ang ginkilala kay Jay-R Dela Rosa ,32 anyos, may live-in partner lunsay residente sang nasiling nga lugar.
Sandig sa pahayag sang isa ka saksi sa kapulisan, ginsaysay sini nga iya nabatian nga naga singgitan kag nagapangayo sang bulig ang biktima kag sang iya pagpalapit sa balay, iya nakita nga makapila ka beses ginbuno sang suspek ang biktima sa nagkalain-lain nga parte sang iya sini kalawasan.
Ginhingagaw pa dala sa ospital ang biktima apang gindeklarar ini nga dead on arrival.
Padayon sa karon ang imbestigasyon sang kapulisan angut sa insidente labi na sa motibo sang krimen.
Priso naman sa Himamaylan Police Station ang suspek.
