Panibag-o naman nga school year ang maga-umpisa antis magtakop ang bulan sang Hulyo amo kun ngaa sini nga Lunes, July 22 tubtob 26, maga umpisa na ang Brigada Eskwela 2024.
Padayon sa karon ang panawagan sang Department of Education Division of Bacolod City sa mga estudyante, stakeholders, private institutions kag pila ka mga organisasyon nga magpakigbahin sa nasiling nga aktibidad.
Ang tema sang Brigada Eskwela sini nga tuig amo ang “Bayanihan para sa matatag na Paaralan.”
Ano bala ang sarang mabulig sang mga maupod sa Brigada Eskwela?
Sila ang magapaninlo sang classrooms, magbulig paminta, pamanday, pananom, kasubong man sa pagbulig hatag mga materyales nga galamiton para sa eskwelahan.
Ang Brigada Eskwela ang ginapatigayon kada tuig agud i-promote ang maayo nga partnership sang eskwelahan kag komunidad.
