BACOLOD CITY- Pilason ang apat ka mga persona matapos nga nagkarambula ang apat ka mga salakyan sa Circumferential Road sa bahin sang Valley of Peace, Barangay Mandalagan ciudad sang Bacolod, pasado las-4 sang hapon, adlaw sang Domingo, Hulyo 21.
Ang imbolbado sa multiple vehicle collision, amo ang pick up truck, carry van, Toyota van, kag isa ka auto.
Base sa inisyal nga nakuha nga impormasyon sang DYHB, gina-alegar naglupok ang panguna nga guma sang pick-up nga naga-usoy sa direksyon nagikan sa Norte padulong Sur.
Ginapatihan nadulaan sang kontrol ang driver sang pick-up matapos nga naglupok ang guma, amo nga iya nabungguan ang mga sugata nga carry van, toyota van kag auto.
Gindala sa gilayon ang mga nasamaran sa ospital para sa nagakaigo nga pagbulong.
Padayon pa ang imbestigasyon sang mga kapulisan natuhoy sa amo nga aksidente.
DYHB photos
