NEGROS OCCIDENTAL- Gin-turn over sang Negros Occidental Provincial Government ang mga floating tiller units nga nagabalor ₱1.1 million sa nagkalain-lain nga mga farmers association sa pagpanguna ni Governor Eugenio Jose Lacson.
Ang mga mangunguma nga nangin benebisyaryo sa amo nga equipment ang gintudluan kun paano ini gingamit kag mangin maintenance sini.
Ang nangin benepisyaryo sa amo nga proyekto amo ang Tuy-anan Farmers Association (Don Salvador Benedicto), Camao Farmers SWISA (Calatrava), Canlusong Proper SWISA (E.B. Magalona), Binintigan Farmers and Rural Farm Workers Association (Victorias City), Gloria Ilimnan ARB Farmers Association (Murcia), Pandanon Silos Farmers Association (Murcia), Sandungao SWISA (Bago City), Siga-siga Agrarian Reform Farmers Association (La Castellana), Had. Jardiolin ARB (Moises Padilla), Brgy. Culipapa CEMECO SWISA (Hinoba-an, Daug SWISA (Hinoba-an), Dangula Culipapa Farmers (Hinoba-an), kag Federation of Irrigators Association – Central Negros.
Ang floating tiller ang isa ka walking-type agricultural tractor nga masami ginagamit sa kaumahan nga puno sang tubig, kag ini ang isa ka multi-purpose farming tool, nga sarang magamit bilang portable, simple para sa madasig kag epektibo nga pagpanguma.
Ginpasalamatan sang gobernador ang mga mangunguma sa ila pagpanghimakas nga mahatagan sang food security kag agricultural productivity ang probinsya.
Provincial Government of Negros Occidental