Madamo sa aton ang nalingaw gid mag lantaw sang Mukbang videos labi na kada oras antis magtulog.
Masami gasulod sa aton pinsar “Daw kanamit,” “Ginalaway ako sa iya ginakaon.” Apang kaangay sang tanan nga butang, ang tanan nga sobra, indi maayo.
Si Pan Xiaoting, 24 anyos nga Chinese streamer ang nakilala bangud sa Mukbang videos sini.
Antis kita magpadayon, ano bala ang ginatawag nga “Mukbang?” Ini ang pagkaon sang madamo ukon sobra-sobra nga pagkaon agud lingawon ang mga tumalan-aw online.
Bangud desperado si Pan nga makakuha sang mas damo nga atensyon sa mga nagalantaw sang iya live mukbang, wala untat nga nagakaon si Pan sa sulod sang 10 ka oras kada adlaw sa diin 10 kilos sang pagkaon man ang makaon sini kada mukbang session sini.
Bangud kay sobra kag wala na sa lugar ang pagkaon ni Pan, mismo ang lawas na sini ang nag suko sa iya.
Sini lang nga July 14, samtang naga mukbang si Pan, napatay ini, live on stream.
Base sa Chinese news website nga Sohu, nakita sa resulta sang autopsy sini nga na-deform ang iya nga abdomen kag napuno ang tiyan sini sang mga pagkaon nga wala ma-digest.
Ang istorya ni Pan ang ginagamit karon bilang example sa kadam-an nga indi pag-abusuhon ang lawas baylo sa kwarta kag atensiyon halin sa iban.
